...आता काय विद्यापीठ बोगस आहे म्हणता?
पंतप्रधानाच्या पदवी वरून दिल्लीच्या
मुख्यमंत्र्यांनी गदारोळ उठवले.आपल्या देशात जे करायचे कार्य आहे ते सोडून देऊन जनतेचे
लक्ष भलतीकडे वळविण्यात राजकारणी लोक मोठे निष्णात आहे.आता मुख्यमंत्री म्हटले तर
त्यांनी प्रथम त्यांच्या राज्याच्या कारभाराकडे “प्रायॉरिटी बेस” वर लक्ष देणे
जरुरी आहे. ते जर निवडणुकींच्या वेळेस जसे मुद्दे उकरून काढतात तसे मुद्दे आता
उकरून काढत असतील तर ते योग्य नव्हेच. “पंतप्रधानांची पदवी बोगस आहे” असा आरोप
झाला.काल विद्यापीठाने स्पष्ट केले कि “पदवी बोगस नाही आहे”.असो मुळात मुद्दा हा आहे
कि पदवी वैध असो अथवा अवैध हुशारी महत्वाची आहे.अनेक पदवीधर सद्यस्थितीत असे आहेत
कि त्याना साधे अर्ज सुद्धा भरता येत नाही ते सुद्धा त्यांची पदवी वैध असतांना. “नॉलेज
अँड वीसडम” या नावाचा एक पाठ काही वर्षांपूर्वी शालेय अभ्यासक्रमात समाविष्ट होता.
तो पूर्ण पाठ काही स्मरणात नाही परंतु त्या पाठाचा मतितार्थ हा होता कि, “ज्ञान
आणि बुद्धिमत्ता” यातील ज्ञान हे मिळवावे लागते आणि बुद्धिमत्ता हि जात्याच अंगी
असते. बुद्धिमान माणूस हा कोणतीही पदवी अथवा शिक्षण नसतांना सुद्धा त्याची प्रतिभा
सिद्ध करून दाखवतो.पदवी शिक्षण नसतांना सुद्धा अनेक लोकांनी त्यांच्या बुद्धीचा त्यांच्या
हुशारीचा नमुना जगापुढे ठेवला आहे. आईनस्टाइन, जुने अनेक वैज्ञानिक, राजकारणी हे
कुठे उच्चविद्याविभूषित होते हो ? अहो आपल्या खानदेशच्या बहिणाबाई चौधरी यांनी तर शिक्षणाचा
का ढ नसतांना सुद्धा त्यांनी सुंदर कविता
लिहिल्या आणि त्या शालेय व महाविद्यालयीन अभ्यासक्रमात सुद्धा समाविष्ट झाल्या.
तसेच जुने सातवी पास विद्यार्थी शिक्षक होत आणि त्यांचे इंग्रजी आजच्या इंग्रजी साहित्य
आभ्यासणा-या विद्यार्थ्यांपेक्षा सुद्धा चांगले असे. अनेक व्यक्तिनी खूप मोठी
शैक्षणिक पात्रता नसताना सुद्धा मोठे मोठे कार्य करून दाखवले आहे. मा. पंतप्रधान
हे जनतेने निर्वाचित करून दिलेले आहेत. आणि मुळात आपल्या लोकशाही नुसार राजकारणात
येण्यासाठी कोणतीही शैक्षणिक पात्रतेचा निकष दिलेला नाही.स्वातंत्र्यानंतर अनेक
राजकारण्यांनी जे कि अशिक्षित होते तरी सुद्धा त्यांच्या मतदारसंघात त्यांनी
विकासकामे केलेली आहेत, सकारात्मक राजकारण केले आहे. याचा अर्थ हा नाही कि
राजकारण्याना शैक्षणिक पात्रता नसावी.येथे हे सांगणे अभिप्रेत आहे कि आपल्या
राज्यासमोर अनेक समस्या असताना त्यांचे निराकरण करण्याऐवजी आपण पंतप्रधानाच्या
पदवीचा मुद्दा उचलून का धरता? आपण उच्चविद्याविभूषित
आहात आपल्या कडून जनतेला अनेक अपेक्षा आहेत. आपणास जनतेने कौल दिलेला आहे तेंव्हा
आपण आपल्या राज्याचा विकासाला प्रथम प्राधान्य द्यावे. पतंप्रधान देशासाठी झटत आहे.
ते देशाच्या सर्वोच्च पदावर विराजमान आहेत त्यांच्या विषयी गरळ ओकून तुम्ही तुमची
उंची कमी करत आहात.आपल्या व आपल्यासारख्या इतर अनेकांनी नाहक निर्माण केलेया
अनावश्यक मुद्द्यांमुळे सरकारी कामात व्यतय निर्माण होतो. असे असताना आपल्या
सारख्या लोकांनी उचललेले मुद्दे पुढे न्यायप्रविष्ट होतात आणि आधीच विलंबित होत
असलेलेली न्यायालयांनी प्रकरणे आपल्या सारख्यांनी दाखल केलेल्या मुद्द्यांमुळे
अजून विलंबित होत राहतात. यापूर्वी आपण विद्यमान केंद्रीय वाहतूक मंत्री यांच्या
विरुद्ध सुद्धा आरोप केले होते आणि त्यांनी केलेल्या अब्रू नुकसानीच्या दाव्यावर
आपणास माघार घ्यावी लागली होती.काल सुद्धा विद्यापीठाने मा.पंतप्रधानाची पदवी वैध
असल्याचा निर्वाळा दिला. आता तुम्ही काय विद्यापीठच बोगस आहे असे म्हणणार आहात काय
? 
कोणत्याही टिप्पण्‍या नाहीत:
टिप्पणी पोस्ट करा